بتحاولوا تتكلموا... بس بتحسوا إن مفيش نقطة التقاء؟

كورس عملي وواقعي

الكورس مش مجرد حاجة كده على الورق ،هو كورس عملي واقعي من خلاله ممكن الواحد يعمل أشياء بأرض الواقع ..تقدر تحكي عنه إنه دليل عملي والحلو بالكورس إنه أسلوبه ممتع وبيشوقك تحضر الفيديو اللي بعده وبيكون عندك حماس انك تشوف اللي بعده مش ممل ابدا

ابني كان دايما عصبي لكن عرفت
انه حسي حركي

لفت نظري في الكورس حاجات كتير زي أنماط الشخصية وأنواع الذكاءات المختلفة وموضوع التصالح مع الماضي بطبق منه حاجات في تعاملاتي في البيت خصوصا في التعامل مع ابني الصغير ابني الصغير كان دايما عصبي وبيتنرفز ولكن عرفت انه حسي حركي بدأت احضنه لما يتضايق بدل ما كنت بكلمه بس وده خلاه يهدى بسرعة ونعرف نتفاهم معاه

فهمت نمط شخصية زوجي والطريقة المثلى للتعامل معاه

الكورس بالنسبة ليا مفيد جداً عشان ماكنتش فاهمة الاختلافات اللي بين شخصيتي و شخصية جوزي لما فهمته و فهمت نفسي نظرتي ليه و لخلافاتنا اختلفت تماماً... بقيت استوعبه اكتر من الأول و بدون ما انتبه كمان فهمت شخصية ابني و غيرت من طريقتي معاه و ده حسن علاقتنا جداً الكورس مفيد جداً و انصح بيه المتزوجين و المقبلين على الزواج استفدت كتير في تعاملاتي مع زوجي و ابني و فهمت نفسي كمان بشكل افضل لما فهمت نمط شخصية زوجي و عرفت الطريقة المثلى للتواصل معاه ده خلاني استوعب خناقات كتير و انهيها قبل ما تكبر و ده اتكرر كذا مرة الحمد لله

بقيت بسمع المعنى اللي ورا الكلام

مبدأيا كده ..انا اول حاجة واكتر حاجة actually أثرت فيا جدا هو إن أنا عرفت نمط شخصيتي ودي حاجة فاجئتني جدا .. اكتر حاجة فاجئتني في الكورس ..ليه بقى؟ لأن انا اتضح لي أن انا كنت فاهمة شخصيتي غلط تماما وكنت بتعامل على هذا الفهم الخاطىء،فلما فهمت نمط الشخصية بتاعتي ابتدت نظرتي لنفسي ونظرتي للأمور تختلف شوية بصراحة. الحاجة التانية إن انا مابقتش بسمع الكلام وريأكت عليه زي الأول لاء..انا بقيت بسمع المعنى اللي ورا الكلام ،اللي فهمته من الكورس إن مش كل حاجة بتتقال بيبقى قصدها هو المعنى اللي اتقالت بيه ..ممكن يكون اللي قدامي قصده حاجة تانية بس هو مش عارف يعبر عن نفسه كفاية أن هو يقول الكلام بالوضوح والصراحة فدي حاجة برضو فتحت وداني شوية بصراحة وفهمتني الكلام إيه المقصود منه